23.06.2025
Чемпион атанған Александр Бублик әлемдік рейтингте жоғарлады
Қанат Байұзақов
Галледе (Германия) өткен турнирден кейінгі ATP рейтингінің ағымдағы нұсқасы ұсынылды, деп хабарлайды Sport12.kz
Қазақстандық теннисші Александр Бублик жарыстың финалында ресейлік Даниил Медведевті (6:3, 7:6) жеңгеннен кейін бірден 15 орын жоғары көтерілді. Қазір ол рейтингте 30-шы орында. Тағы бір қазақстандық Александр Шевченко 97-ші қатарда қалды.
Көшбасшылар үштігін бұрынғы спортшылар сақтап қалды: бірінші орында Италия өкілі Янник Синнер, екінші орынды испаниялық Карлос Алькарас, үшінші орында германиялық Александр Зверев тұр.
