Кезекті құлдырау: Теннистен әлемдік рейтинг жаңарды

Әйелдер теннис қауымдастығы (WTA) Индиан-Уэллстегі турнирден (АҚШ) кейінгі рейтингтің жаңартылған нұсқасын ұсынды, деп хабарлайды Sport12.kz.

Бірінші орында белорус Арина Соболенко тұр, одан кейін польшалық Ига Швёнтек пен америкалық Кори Гауф жайғасқан. Турнирдің финалында Соболенконы ұтқан ресейлік Мирра Андреева бес сатыға көтеріліп, қазір алтыншы орында.

Қазақстанның бірінші нөмірлі теннисшісі Елена Рыбакина бір орын төмендеп, сегізінші орынға тұрақтады. Еске салайық, Индиан-Уэллсте Рыбакина 1/8 финалда Андреевадан 1:6, 2:6 есебімен жеңілген болатын.

Қазақстанның тағы бір өкілі Юлия Путинцева төрт позицияға төмендеп, 24-ші орынға түсті.