25.03.2025
Денис Евсеев Испаниядағы турнирді жеңіспен бастады
Азамат Бақи
Фото: Pedro Salado/Getty Images
Қазақстандық теннисші Денис Евсеев Испанияның Жирона қаласында өтіп жатқан Eurofirms Girona Costa Brava ATP Challenger турниріне іріктеу кезеңінің финалына шықты.
Денис Евсеев (АТР: 258) іріктеудегі алғашқы ойында жергілікті теннисші Николас Альварес Варонаны (АТР: 304) тізе бүктірді.
Қос теннисші арасындағы кездесу 1 сағат 58 минутқа созылды. Нәтижесінде отандасымыз қарсыласынан 2:0 (7:5; 7:6) есебімен басым түсті.
Енді Денис жарыстың негізгі кезеңіне шығу үшін Лукас Ноймайер (Аустрия) – Гаштау Элиаш (Португалия) матчының жеңімпазымен шеберлік байқасады.
Айта кетейік, дүбірлі доданың жалпы жүлде қоры 145,000 еуроны құрайды.
