26.03.2025
Дмитрий Попко Мексикадағы турнирдің екінші айналымына шықты
Азамат Бақи
Фото: Ұлттық олимпиадалық комитет
Қазақстандық теннисші Дмитрий Попко Мексиканың Морелия қаласында өтіп жатқан ATP Challenger турнирін жеңіспен бастады.
Жарыстың 1/16 финалында Дмитрий Попко (АТР: 245) француз теннисшісі Теренс Атманды (АТР: 180) тізе бүктірді.
Қос теннисші кортта 2 сағат 32 минут уақыт өткізді. Нәтижесінде отандасымыз қарсыласынан 2:1 (7:6; 6:7; 6:3) есебімен басым түсті.
Енді Попко келесі кезеңде ширек финал жолдамасын француз теннисшісі Адриан Маннариномен (АТР: 145) сарапқа салады. Аталған кездесу ертең, 27 наурыз сағат 21:00-ге жоспарланған.
Айта кетейік, дүбірлі доданың жалпы жүлде қоры 200 мың долларды құрайды.
