03.04.2025
Елена Рыбакина cпорттық мансабынан кейін немен айналысады?
Қанат Байұзақов
Қазақстанның бірінші ракеткасы Елена Рыбакина кәсіби мансабын аяқтағаннан кейін немен айналысқысы келетінін айтты, деп хабарлайды Sport12.kz
«Жасөспірімдермен, кәсіби теннисшілермен немесе тіпті балалармен жұмыс істеу қызықты болар еді. Болашақта нақты немен айналысатынымды айту қиын», - деді Елена Tennis Insider Club YouTube-арнасына берген сұқбатында.
Қазір Елена Рыбакина назарын Билли Джин Кинг кубогындағы матчтарға аудармақ. 10–11 сәуір күндері Брисбенде Қазақстан құрамасы Аустралия және Колумбия командаларына қарсы шешуші ойындарын өткізеді. Бұл кездесулер финалдық кезеңге жолдама үшін маңызды болмақ.
