Александр Бублик АТР 500 турнирінің жолдамасына таласады

Қазақстанның нөмірі бірінші ракеткасы Александр Булбик Германияның Мюнхен қаласында өтіп жатқан ATP 500 турниріне іріктеу кезеңінің финалына сүрінбей өтті.

Жарыстың жартылай финалында Александр Бублик (АТР: 76) швейцариялық қарсыласы Александр Ришарды (АТР: 130) еш қиындықсыз жеңді.

Қос теннисші арасындағы кездесу 1 сағат 10 минутқа созылды. Осы уақыт ішінде Бублик 5 эйс пен 3 брейк жасап, 3 мәрте қос қателікке жол берді. Нәтижесінде отандасымыз қарсыласынан 2:0 (6:2; 6:3) есебімен басым түсті.

Енді Бублик турнирдің негізгі кезеңіне берілетін жолдаманы жергілікті теннисші Диего Дедура-Паломеромен (АТР: 546) сарапқа салады. Аталған кездесу бүгін, 13 сәуір сағат 15:30-ға жоспарланған.

Айта кетейік, дүбірлі доданың жалпы жүлде қоры 2,500,000 еуроны құрайды.