Сұлтан Әсетұлы Азия чемпионатында ширек финалға жолдама алды

Бүгін Иордания астанасы Амманда басталған грек-рим күресінен Азия чемпионатында Сұлтан Әсетұлы (63 келі) ширек финалға жолдама алды.

Сұлтан алғашқы белдесуінде үндістандық Умештен басым түсті. Ендігі қарсыласы - қырғызстандық Доолотбек Чойбеков.

Сұлтан Әсетұлы 23 жасқа дейінгі жастар арасында әлем чемпионы атанған еді.

Еске салсақ, бұдан бұрын ел құрамасынан Ербол Камалиев (55 келі) пен Ибрагим Магомадов (72 келі) алғашқы белдесуінде жеңіске жетті.

Құрлықтық дода 25-30 наурыз аралығында өтеді деп жоспарланып отыр. Ел құрамасы еркін, грек-рим және әйелдер күресінен сынға түседі. Алғаш болып бозкілемге грек-рим күресінің шеберлері шықты.