Әлімхан Сыздықов Азия чемпионатында екінші мәрте күміс алды

Иордания астанасы Амман қаласында өтіп жатқан грек-рим күресінен Азия чемпионатында Әлімхан Сыздықов (130 келі) күміс жүлдегер атанды.  

Ол финалда ирандық Фардин Хедаятиге 0:7 есебімен жол берді.

Қазақстандық балуан өз мансабында құрлықтық дода финалына үшінші мәрте шықты. Ол 2021 жылы Алматыдағы Азия чемпионатында күміс, 2022 жылы Ұлан-Батырда чемпион атанған еді.

Сондай-ақ ел құрамасынан Ибрагим Магомадов (77 келі), Шамиль Олжаев (87 келі) қола жүлдегер атанды. 

Айта кетейік, бұған дейін Ербол Қамалиев (55 келі), Сұлтан Әсетұлы (63 келі) бесінші орынды қанағат тұтты.

Құрлықтық дода 25-30 наурыз аралығында өтеді деп жоспарланып отыр. Ел құрамасы еркін, грек-рим және әйелдер күресінен сынға түседі.