БҚО-да тоқ соғып, екі қолынан айырылған 5 жасар балаға пәтер беріледі
БҚО-да тоқ соғып, екі қолынан айырылған 5 жасар балаға пәтер беріледі
1,414
оқылды
Батыс Қазақстан облысында абайсызда трансформаторды ұстап, қос қолынан айырылып қалған балаға кәсіпкерлер көмектесетін болды, деп хабарлайды «Хабар 24». Бұл туралы баланың туысқандары хабарлады. Протез дайындайтын компания өкілдері Аманжолға қызмет түрін тегін ұсынады. Алдымен ол Нұр-Сұлтан немесе Самара қалаларындағы клиникада оңалту курсынан өтуі қажет. Кейін протез көлемі өлшеніп, алты ай мерзім ішінде жасалады. Сонымен қатар алматылық кәсіпкер бұл отбасыға Оралдан екі бөлмелі пәтер сыйламақ. Енді балақай ауруханадан шыққан соң жаңа баспанаға орналасады. Дәрігерлердің айтуынша, баланың жағдайы ақырындап жақсарып келеді. Еске салсақ, бұған дейін БҚО-да бес жасар баланы ток соғып, салдарынан бала екі қолынан айырылғанын жазған болатынбыз.