Арқалықтан 48 шақырым жерде орналасқан Үштөбе ауылының тұрғындарына тегін нан таратқан учаскелік полиция инспекторы Дархан Тұрғановқа ауыл тұрғындары алғыс айтты, деп хабарлайды BAQ.KZ.
Су тасқыны салдарынан бұл бағыттағы жол бұлыңғыр болып, онымен жүру қиындаған.
Восточный ауылының наубайханасынан 50 нан сатып алдым. Досымнан "Ниваны" алып, Үштөбе ауылына нан апаруға шешім қабылдадым онда аздап су басу байқалды, - деді Дархан.
Үштөбіліктер тегін ыстық нан туралы хабарды ватсапп жалпы чаты арқылы білді. Нан дүкен сөресінен жарты сағат ішінде алынды.
Дархан жарайсың! Алла разы болсын! Көмегін үшін рақмет!,- деген тұрғындар полицейге алғыс сөздер айтты.
Арқалық полициясы мұндай көмекті үнемі жүргізуді жоспарлап отыр.
Естеріңізге сала кетейік, ағымдағы жылдың қаңтар айында Дархан Тұрғанов далада үш күн бойы боранда жоғалып кеткен малшыны тапқан.
