"Қорқыныш көрдім". Жәнібек Әлімханұлы қарсыласымен көз арбасты
WBO нұсқасы бойынша орта салмақтағы әлем чемпионы қазақстандық Жәнібек Әлімханұлы (14-0, 9 КО) IBF титулына ие Винченцо Гуальтиеримен (21-0-1, 7 КО) жекпе-жектен не күтетінін айтты, деп хабарлайды BasSport.kz.
Қазақстандық пен германиялық боксшы көз арбасты.
"Бүгін мен қарсыласымның көзіне қарадым. Не көрдім дейсіз ғой? Қорқыныш көрдім. Мен оны нокаутқа жіберемін", - деп мәлімдеді Әлімханұлы.
Айта кетейік, жекпе-жек 12 раундқа есептеліп, Розенбергте (АҚШ) өтеді. Оны Qazsport телеарнасы тікелей эфирде көрсетеді.
Ал бокс кешінің тікелей көрсетілімі 15 қазанда Астана уақыты бойынша сағат 07:00-де басталады.
Боксшылар WBO және IBF нұсқалары бойынша орта салмақтағы әлем чемпионын анықтайды.
Айта кетейік, осыған дейін екі боксшы да жеңілмеген.
Әлімханұлының 14 жеңісі бар, олардың тоғызы нокаутпен.
Гуальтиери 21 жекпе-жекте жеңіске жетті, оның жетеуі мерзімінен бұрын, ол тағы бір жекпе-жекті тең аяқталды.