Дания мен Қазақстан ойынының төрешілері тағайындалды
Футбол
Футболдан 2024 жылғы Еуропа чемпионаты іріктеу сатысындағы Дания мен Қазақстан кездесуіне төрешілер белгіленді, деп хабарлайды BasSport.kz.
Ойын 14 қазаннан 15-не қараған түні елорда уақытымен 00:35-де өтеді.
Матчты Qazaqstan және Qazsport телеарналарынан тікелей эфирде көрсетеді.
Кездесуде англиялық төрешілер бригадасы қызмет атқарады.
Бас төреші — Майкл Оливер, оған Стюарт Бэрт пен Ли Беттс көмекшілік жасайды. Төртінші төреші — Эндрю Мэдли.
Алты турдан кейін H тобында 13 ұпаймен Словения мен Дания көш басында тұрса, одан кейінгі орындағы Финляндия мен Қазақстанның 12 ұпайы бар.