Ауыр атлетикадан әлем чемпионаты: Ел қоржынында екі қола бар

Ауыр атлетикадан әлем чемпионаты: Ел қоржынында екі қола бар
Басқа

Албанияның Дуррес қаласында өтіп жатқан ауыр атлетикадан жасөспірімдер арасындағы әлем біріншілігінде Қазақстан қоржынына екі медаль түсті, деп хабарлайды федерацияның ресми парақшасына сілтеме жасаған Bassport.kz.

Қыздар арасында 55 келіге дейінгі салмақ дәрежесінде Дарья Балабюк қола медаль иеленді. Ол жұлқа көтеруден үздік үштікке енген. Дарьяның нәтижесі - 175 келі (78+97 келі).

Сондай-ақ ерлер арасындағы сында Нұрасыл Арапбай (67 келі салмақ дәрежесі) 266 келіні еңсеріп, жалпы есепте төртінші орын алды. Ал серпе көтеруде кіші қолаға иелік етті.

Айта кетейік, 1 сәуірге дейін жалғасатын дүбірлі додада еліміздің атынан 11 ауыр атлет қатысып жатыр.