Әли Әлиевтің тілегі орындалды. Тапалов кеңейітлген тізімге қосылды
Футбол
«Қызылжар» командасының әмбебап футболшысы Еркін Тапалов ұлттық құраманың кеңейтілген тізіміне қосылды, деп хабарлайды BasSport.kz.
Meta-ratings.kz сайтының жазуынша, футболшы 26 мамырда шенген визасын алуға құжаттарын тапсырған. Ұлттық құрама 17 маусымда Италияда Сан-Мариномен, 20 маусымда Белфастта Солтүстік Ирландиямен кездеседі.
Биыл 29 жастағы қорғаушы 10 матчқа қатысып, бір нәтижелі пас шығарған. «Қызылжар» премьер-лигада үздіктер қатарында келе жатыр.
Наурыз айындағы ойындар қарсаңында «Қызылжар» бапкері Әли Әлиев ең болмаса Тапаловты кеңейтілген тізімге қоспадыңдар деп ренжіген.
Жалпы, футболшы бұған дейін ұлттық құрамада 6 ойын өткізген.