Бір раундта Кеналоны үш рет құлатам деген Жәнібектің келесі қарсыласы анықталды
Дүниежүзілік бокс ұйымы (WBO) 27 тамыз ресми қаулы шығарды.
Фото: Chase STEVENS
Фото: Chase STEVENS
24.09.2022 04:39
11034
Қазақстанның кәсіпқой боксшысы Жәнібек Әлімханұлы (12-0, 8 КО) алғаш рет орта салмақтағы WBO тұжырымы бойынша әлем чемпионы атағын қорғайды, деп хабарлайды EL.KZ.
Boxingscene-ның мәліметіне қарағанда, Әлімханұлы 12 қараша күні Лас-Вегаста (АҚШ) шаршы алаңға шығып, англиялық боксшы Дензел Бентлиге (17-1-1, 14 КО) қарсы жұдырықтасады.
Айта кетейік, Жәнібек Әлімханұлы 22 мамырда британиялық Дэнни Дигнумды (14-0-1, 8 КО) екінші раундта нокаутқа түсіріп, WBO нұсқасы бойынша орта салмақта «уақытша» чемпион атанды.
Дүниежүзілік бокс ұйымы (WBO) 27 тамыз ресми қаулы шығарды, Деметриус Андраденің міндетті жекпе-жектен бас тартуына байланысты, қазақстандық боксшыға «уақытша» чемпионнан орта салмақтағы WBO нұсқасы бойынша толық құқылы әлем чемпионы мәртебесін берді.
Бөлісу:
Қысқа да нұсқа. Жазылыңыз telegram - ға