Біреулер Қазақстанды транзит деп санаса, енді біреулері елде қалуды жоспарлап отыр.

Қазақстанға келген орыстар: "Қайда барарымызды білмейміз!"

Жарияланған жұмылдырудан Қазақстанға қашып келген Ресей азаматтары жалдамалы баспана таба алмай отыр, өйткені қаладағы қонақүйлер мен жалдамалы пәтерлердің барлығында бос орын қалмаған деп жазады esquire.kz ТоболИнфоға сілтеме жасап.

Соңғы екі күнде Қостанайда сағат сайын ресейліктердің Қазақстанға келуіне байланысты жылжымайтын мүлікке сұраныс күрт өсті. Соңғы тәулікте Қостанай облысының полиция департаментінің мәліметінше, облысқа көрші елден мыңнан астам азамат келген. Бұл қарапайым күндермен салыстырғанда екі есе көп.

Қазіргі уақытта Қостанайдың орталық бөлігінде рюкзактары мен жол сөмкесі бар адамдарды жиі кездестіруге болады. Шетелдіктер Ресейдің әртүрлі қалаларынан, негізінен автобуспен немесе таксимен келген.

Азаматтар өз отандарын тастап кету туралы шешімді «Ресей Федерациясында ішінара жұмылдыруды жариялау туралы жарлыққа» келіспеуімен түсіндіреді.

«Мен достарыммен Қостанайға бүгін таңғы сағат 05:30-да Түменнен келдім. Қазақстанға бірінші рет келуім, Қостанайда танысым жоқ. Ресейден кетудің себебі – тұрақсыз саяси жағдай, соның ішінде жұмылдыру. Мен соғыс қимылдарына қатысып, адамдарға қарсы қару көтергім келмейді», — деп бөлісті Владимир Старков.

Білімі бойынша жас жігіт бағдарламашы, IT саласында жұмыс істейді. Ер адамның айтуынша, ол Қазақстанда транзитпен жүрген, кейін Әзербайжанға туыстарына баруды жоспарлап отыр.

«Қазір біз жергілікті қосымшалар арқылы пәтер немесе қонақүй іздеп жатырмыз, бірақ барлық жерде бәрі бос емес. Біз бүгін түнді қайда өткізетінімізді шешкен жоқпыз», — деді Старков.

Дәл осындай себептермен Челябіден келген ерлі-зайыптылар Қостанайға келді.

«Біз шекарада түнеп шықтық. Біз Ресей жақтан ағылғандар көп, жеті сағатқа жуық уақыт шекарада тұрдық. Мен Қостанайда бірінші рет келдім, бірақ бұл жерде Челябіде оқыған достарым бар. Елімізді тастап кету өте ауыр болды. Күйеуіміз екеуміз автобусқа билет алдық, құжаттарымыз бен киімдерімізді жинадық. Біз қайда барарымызды әлі де білмейміз», — деді Юлия.

Заң бойынша шетелдік азаматтардың Қазақстанда болу мерзімі 30 күннен аспауы тиіс. Бірақ, әлемдегі ақуалға байланысты Еуразиялық экономикалық одақ елдерінің (Ресей Федерациясы, Армения, Беларусь, Қырғызстан, Әзірбайжан және Тәжікстан) азаматтарына Қазақстанда 90 күнге дейін болуға рұқсат берілген.

Шетелдiк азамат Қазақстанның мемлекеттiк шекарасын кесiп өткен кезден бастап қабылдаушы тарап үш жұмыс күнi iшiнде шетелдiктiң нақты тұрақтаған жерi туралы iшкi iстер органдарына хабарлауға мiндеттi.

30 (90) күн өткенге дейін иммигранттар Қазақстан Республикасынан кетуге міндетті. Көрсетілген мерзімнен асып кеткен жағдайда қабылдаушы тарап тұрғылықты жері бойынша халыққа қызмет көрсету орталықтарына жүгініп, жұмыс, емделу, оқу, отбасын біріктіру және т.б себептерге байланысты уақытша тұруға ықтиярхат береді.

Поделиться: