Ақтөбе облысында жол апатынан 2 жүргізуші қаза тапты
Тағы 3 адам ауруханаға жеткізілді
Фото: gov.kz
Ақтөбе облысында жол апатынан 2 адам қаза тапты, деп хабарлады Halyq Uni тілшісі.
Полиция қызметкерлерінің мәліметінше, қайғылы оқиға бүгін сағат 12:30-да Ақтөбе – Орынбор автожолының 20-шақырымында ВАЗ-2111 және ВАЗ-2115 автокөліктерінің соқтығысуы салдарынан болған.
Жол апатынан екі көлік жүргізушісі оқиға орнында қаза тапты, 3 жолаушы жедел түрде ауруханаға жеткізілді, – деді Ақтөбе облысы ПД ЖПҚБ бастығының орынбасары Артур Абдрешов.
ҚР ҚК-нің 345-бабы 3-бөлігі бойынша сотқа дейінгі тергеу басталды.
