Жетісайда бір мектептің барлық түлегі грант иегері атанды
Олардың 30-ы «Алтын белгіге», 21-і «үздік аттестатқа» ие болды
фото: egemen.kz
Түркістан облысы, Жетісай ауданы Б. Момышұлы мектебін бітірген 63 түлек түгелдей мемлекеттік грантқа ие болды.
Жетісай ауданы адами әлеуетті дамыту бөліміне қарасты Б. Момышұлы мектеп гимназиясының оқушылары биылғы 2021-2022 оқу жылын сәтті аяқтады.
Мектепті бітіруші бес сыныптың 63 оқушысы түгелімен мемлекеттік гранттың иегері атанды. Олардың 30-ы «Алтын белгіге», 21-і «үздік аттестатқа» ие болды.
Айта кетейік, мектеп гимназияның орташа балы 105 болған. Аталған білім ордасынан соңғы 7 жылда 299 алтын белгі, 125 қызыл аттестат иегерлері шыққан.
