14 қаңтар 2022 17:14

Тараздағы бүлік кезінде Ресей азаматы қайтыс болған

Жансая Қадыржанова Корреспондент

ПОДЕЛИТЬСЯ

"Хабар 24" телеарнасының кадры "Хабар 24" телеарнасының кадры

Тараз қаласында 6 қаңтарда болған бүлік кезінде қарақшылар қолынан Ресей азаматы қайтыс болған, - деп хабарлайды Tengrinews.kz тілшісі Ресей елшілігінің баспасөз қызметіне сілтеме жасап. 


Тараз қаласында 6 қаңтарда болған бүлік кезінде қарақшылар қолынан Ресей азаматы қайтыс болған, - деп хабарлайды Tengrinews.kz тілшісі Ресей елшілігінің баспасөз қызметіне сілтеме жасап. 

Ресейдің Алматыдағы Бас консулдығына Ресей азаматы, үш баланың анасы, 1995 жылы туған М.В. Кимнің қайтыс болғаны туралы ақпарат келіп түскен. Шабуыл М.В. Ким жұмыс орнынан кетіп бара жатқанда жасалған.

"Ресейдің Алматыдағы Бас консулдығы марқұмның анасымен, туыстарымен, жақындарымен байланысқа шықты. Облыс басшылығына жағдайды бақылауға алу және марқұмның отбасына көмек көрсету туралы өтініш жолданды. Бас консулдық М.В. Кимнің отбасына материалдық көмек көрсету мәселесін пысықтап жатыр", - делінген хабарламада.

Сондай-ақ, Ресейдің Қазақстандағы елшілігі Қазақстан Республикасының құқық қорғау органдарына осы қылмысты мұқият әрі жан-жақты тергеу туралы сұрау жібергені айтылды.

"Қылмыскерлердің жеке тұлғалары анықталады деп үміттенеміз. Заң бойынша жазаланады деп сенеміз", - делінген хабарламада.

Қазақстандағы Ресей елшілігі марқұмның туыстары мен жақындарына шын жүректен көңіл айтып, оларға осы қиын уақытта күш-жігер тілеп, сабырға шақырды.

Еске салайық, 2 қаңтарда Маңғыстау облысының тұрғындары сұйытылған мұнай газы қымбаттауына байланысты митингіге шыққан болатын. 3 қаңтарда бірден бірнеше облыста митингілер басталды. Наразылық шарасына мұнай өндіруші кәсіпорындардың жұмысшылары да қосылды. 4 қаңтарда өзге де қалаларда бірден жаппай тәртіпсіздік басталды.

Тұрғымбаев Қазақстанда жаппай тәртіпсіздікке ұласқан оқиғалар хронологиясын баяндады

Кейінірек Президент Қасым-Жомарт Тоқаев Алматы қаласы мен Маңғыстау облысында төтенше жағдай енгізу туралы Жарлыққа қол қойды. Алматы қаласы мен Маңғыстау облысында 2022 жылғы 5 қаңтардағы сағат 01:30-дан 2022 жылғы 19 қаңтардың сағат 00:00 кезеңі аралығында төтенше жағдай енгізілді.

Қазақстанда төтенше жағдай режимі енгізілді

5 қаңтарда үкімет отставкаға кетті, Қазақстанда әлеуметтік маңызы бар азық-түлік тауарлары, сұйытылған газ, бензин және дизель отынының бағасын мемлекеттік реттеу енгізілді. Алайда толқу күшейе түсті. Алматы қаласы қатты зардап шекті. Бүлікшілер әкімдік ғимаратын өртеп жіберді, Президент резиденциясын басып алды, дүкендерді, сауда орталықтарын, банк кеңселері мен банкоматтарды қиратып, тонады.

Сондай-ақ, Қасым-Жомарт Тоқаев елімізде қалыптасқан күрделі қоғамдық-саяси және әлеуметтік-экономикалық жағдайға тоқталып, сұйытылған газ бағасының өсуіне байланысты халықтың наразылығын тудырғаны үшін Үкімет, соның ішінде, Энергетика министрлігі, "ҚазМұнайГаз" бен "Қазақгаз" кәсіпорындары кінәлі екенін айтты.

6 қаңтарда Кәрім Мәсімов Ұлттық қауіпсіздік комитетінің төрағасы қызметінен босатылды. ҰҚК-нің жаңа басшысы болып Ермек Сағымбаев тағайындалды. Дәл осы күні ҰҚК Қылмыстық кодекстің 175-бабы 1-бөлігі бойынша "Мемлекетке опасыздық жасау" бабы бойынша соталды тергеу амалдары басталды. Қылмыс жасады деген күдікпен ҰҚК-нің бұрынғы төрағасы Кәрім Мәсімов пен басқа да тұлғалар ұсталып, уақытша ұстау изоляторына қамалды. Ал 10 қаңтар Жалпыұлттық аза тұту күні болып жарияланды.

Қазақстандағы тәртіпсіздіктерден бизнеске келтірілген шығын 12 қаңтарда 100 миллиард теңгеден асты. Қаза болғандар мен зардап шеккендер саны анықталып жатыр, әлі белгісіз.

11 қаңтарда Президент Қасым-Жомарт Тоқаев жаңа үкімет мүшелерін тағайындады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети