World Business Consulting қаржылық пирамидасының жетекшілері сотталды

Сурет: Zakon.kz

Алматыда World Business Consulting қаржылық пирамидасына қатысты сотқа дейінгі тергеу аяқталды. Бұл туралы ҚР Қаржылық мониторинг аганеттігі мәлім етті, деп хабарлайды Zakon.kz.

Ұйымдастырушылар халыққа еншілес компаниялардың инвестициялық жобаларына қаражат салуды ұсынып, сыйақыға кепілдік берген. 2018-2021 жылдар аралығында World Business Consulting қаржылық пирамидасына жалпы сомасы 5,8 млрд теңге тартылды. Сотқа дейінгі тергеп-тексеру барысында жалпы сомасы 4,1 млрд теңгенің мүлкі тәркіленді.ҚР ҚМА баспасөз қызметі

Агенттіктің хабарлауынша, «сот үкімімен қаржы пирамидасының жетекшілері кінәлі деп танылып, 5 жылдан 6,8 жылға дейін бас бостандығынан айыру жазасына кесілді».