"Дуалаған". Атырауда бейіт басынан табылған қағаздарға қатысты түсінік берілді

Сурет: Zakon.kz

Әлеуметтік желіде осы тараған видео авторы мұның барлығы дуа екенін айтады. Бума-бума парақтағы адамдар есімі жанынан әкімдік деген жазу да байқалады. Бұл фактіні полиция растады, деп хабарлайды Zakon.kz.

Әлеуметтік желідегі жазбада белгісіз біреулер түрлі есімдер жазылған қағаздардың табылғанын айтады. Бума-бума парақтан адамның аты, кейбірінің тегі және сандардың қаламмен бірнеше рет көшіріліп жазылғанын көруге болады. Жазба авторы есімдердің көпшілігінің жанында әкімдік деп анық жазылғанын оқып, көрсетеді, сөйтіп әрқайсысына сиқыр жасалғанын айтады.

Бұл туралы полиция департаменті түсінік берді. Құзырлы ведомство жинақталған ақпарат Дін істері басқармасына жолданғанын хабарлады. Ал аталған басқарма өкілдері тексеріс жұмыстары әлі жүріп жатқандықтан, сұқбат беруді кейінге қалдырды, деп хабарлайды Астана телеарнасы.

Оқи отырыңыз