Қазақстан Wildberries-ге ерекше жағдай жасаудан бас тартты

Орталық коммуникациялар қызметінде өткен брифингте Сыртқы істер министрінің орынбасары Алмас Айдаров Қазақстанға ірі брендтің келуі әрқашан тиімді сатып алу бола бермейтінін айтты. Кейде брендтер біздің ел келіспеген ерекше шарттарды талап етеді.

"Біз Wildberries-пен бірнеше жыл бойы түрлі деңгейде келіссөз жүргіздік. Олар түрлі шартты қойды. Ең алғашқы келіссөздерде Wildberries 30 жылға салықтан босатуды, оларға қоймалар салуға көмектесуді талап етті. Әрине, біз мұнымен келіспедік. Біз бәрімізге ортақ шарттармен жұмыс істейік дедік. Біз неліктен шетелдік компанияға тегін қойма салып, оларды 30 жылға салықтан босатуымыз керек? Ал өзіміздің басқа отандық компаниялар мұндай жағдайды алмайды ғой. Сондықтан Wildberries қазір шағын қоймалармен жұмыс істейді".Сыртқы істер министрінің орынбасары Алмас Айдаров

Бұған дейін Алмас Айдаров Сыртқы істер министрлігі Ресей нарығындағы қызметін тоқтататынын немесе қысқаратынын жариялаған 362 ірі шетелдік компанияның бас кеңселерімен келіссөз жүргізіп жатқанын айтқан. Қазір оларды Қазақстанға көшіру бойынша келіссөз болып жатыр. 62 компания келісім берді, 21 жоба көшірілді.

Оқи отырыңыз

Түркістанда "ҚазТрансГаз Аймақ" АҚ филиалы тұтынушыларға заңсыз алынған 126 млн теңгені қайтарды

18:45, 15 мамыр 2024

Энергетика министрлігі шетелдік азаматтар үшін бензин мен дизель отынына жаңа баға белгіледі

14:31, 07 мамыр 2024

Жыл басынан бері елден жанар-жағармайды заңсыз әкетудің 900-ге жуық фактісіне жол берілмеді

20:58, 06 мамыр 2024