Қазақстанда алма құны ТМД елдерімен салыстырғанда жоғары

Сурет: primeminister.kz

Қазақстандағы алма Ресей, Өзбекстан, Әзірбайжан, Беларусь, Украина және Арменияға қарағанда қымбат болып шықты, деп хабарлайды Zakon.kz.

Energyprom.kz зерттеінде Қазақстан алманың арзандығы бойынша әлемде 19-орында тұр. Елімізде алманың бір келісі америкалық валютамен есептегенде 1 доллар 22 цент тұрады. Бұл – ТМД елдері арасындағы ең жоғары көрсеткіш.

Қазақстанда алманың құны тіпті посткеңестік кеңістіктегі Ресей, Өзбекстан, Армения, Әзірбайжан және Беларусь елдеріне қарағанда жоғары болды. Ең арзан алмалар Украинада, одан кейін Солтүстік Македония мен Польшада. Ең қымбат алма Оңтүстік Корея, Пуэрто-Рико және АҚШ-та.

Сарапшылардың айтуынша, ел ішінде алма бір жылда 16,5% қымбаттаған. Кейінгі бір айда бағаның өсуі 20 облыстың жетеуінде тіркелді. Әсіресе, Шымкентте ерекше байқалды (+8,6%). Бір жылда 16 облыста алма қымбаттады.

"Биыл қазан айында еліміздің ірі қалаларындағы дүкендер мен базарлардағы алманың бір келісінің орташа құны 601 теңге болды. Ең қымбат алма Өскеменде (761 теңге), Ақтауда (739 теңге) және Астанада (718 теңге) болды. ). Арзанырақ алма Түркістанда (471 теңге), Шымкентте (473 теңге) және Оралда (507 теңге) бар", - делінген Energyprom.kz хабарламасында.

Ал 7 қарашада Алматының Апорт алмасы бренд ретінде Қазақстанда ресми түрде тіркелгені белгілі болды. Бұл туралы Әділет министрі Азамат Есқараев мәлімдеді.

Оқи отырыңыз