Астанада автобус бағанға соғылды

Қалалық ПД мәліметтері бойынша, Ravon Nexia көлігінің 22 жастағы жүргізушісі оңға бұрылар алдында  алдын ала тиісті жол бөлігіне түспегендіктен төтенше жағдай туғызып, өзге көлік жүргізушісін ығыстырып, қозғалыс бағытын өзгертуге мәжбүр еткен. Салдарынан "Голаз 5241110" (автобус) автокөлігі жол қозғалысын бақылаушы камералар орнатылған бағанға соғылған.

"Жол апаты салдарынан зардап шеккендер жоқ. Полиция қызметкерлері ЖКО фактісі бойынша тексеру жүргізуде", делінген хабарламада.

Ravon Nexia жүргізушісіне қатысты ҚР ӘҚБтК 610-бабының 1-бөлігі, "Көлік құралдары жүргізушілерінің адамдардың денсаулығына зиян келтіруге, көлік құралдарына немесе өзге де мүлікке зиян келтіруге әкеліп соққан жол жүрісі ережелерін бұзуы" бойынша әкімшілік іс қозғалды.

Астана қаласының полиция департаменті жүргізушілерді мұқият болуға, жол қозғалысы ережелерін сақтауды ескертеді.

Оқи отырыңыз

ББҚ, диеталық тамақ өнімдері мен косметика жарнамаларын жүзеге асыру ережесі әзірленді

18:10, 15 мамыр 2024

ШҚО-дағы мектептерде 15 мыңға жуық оқушыға порнографиялық контенттер қолжетімді болған

17:40, 15 мамыр 2024

Шымкент қаласы әкімдігі заңсыз қызмет бойынша мемлекеттік тендер жариялаған

17:26, 15 мамыр 2024