Алматы.13 сәуір.ҚазТАГ- Валентина Владимирская. Жұбанов көшесін Момышұлы көшесінен қала шекарасына дейін ұзартады, деп хабарлады қала әкімі Ерболат Досаев.
"Жұбанов көшесін Момышұлы көшесінен қала шекарасына дейін ұзартуға жобалау-сметалық құжаттаманың мемлекеттік сараптамасының оң қорытындысы алынды. Сатып алынуға тиіс 307 учаске анықталды. Оның 50-і биыл сатып алынады. Бүгінгі таңда мердігерлік ұйымды анықтау бойынша конкурстық рәсімдер жүргізіліп жатыр», - деді Ерболат Досаев.
Қала басшысының пікірінше, бұл Әуезов ауданының дамуына, көлік жүктемесін айтарлықтай азайтуға және қоғамдық көлікпен қызмет көрсету сапасын жақсартуға ықпал етеді. Сондай-ақ Әуезов ауданында жалпы ұзындығы 12,8 км болатын 14 көше мен өтпе жолдар жөнделеді. Жұмыс мамырда басталып, қараша айында аяқталады. Орталықсыздандыру аясында биылдан бастап жолдарды ағымдағы жөндеуді аудан әкімдіктері жүргізеді.
Алматыдағы Жұбанов көшесі қала шекарасына дейін ұзартылады- Досаев
