Астана.2 желтоқсан.ҚазТАГ- Қазақстан мен Францияның Сыбайлас жемқорлыққа қарсы ведомстволары бірлескен Меморандумға қол қойды, деп хабарлайды Қазақстанның сыбайлас жемқорлыққа қарсы іс-қимыл агенттігі.
«Сыбайлас жемқорлыққа қарсы іс-қимыл агенттігінің Төрағасы Олжас Бектенов Францияның Сыбайлас жемқорлыққа қарсы іс-қимыл агенттігінің директоры Шарль Дюшенмен кездесті. Кездесу барысында Сыбайлас жемқорлықты алдын алу және онымен күресу саласындағы ынтымақтастық туралы Меморандумға қол қойылды»,- делінген хабарламада.
Осы құжат шеңберінде екі тарап арасында сыбайлас жемқорлықтың алдын алу, оның алғышарттары мен салдарын жою, сыбайлас жемқорлыққа қарсы саясатты стратегиялық жоспарлау, сыбайлас жемқорлыққа қарсы іс-қимыл саласындағы кәсіби білім мен зерттеулер мәселелерінде тәжірибе алмасуды жүзеге асыру жоспарлануда.
Бұдан басқа екі елдің сыбайлас жемқорлыққа қарсы ведомстволары өз қызметкерлерінің біліктілігін арттыру үшін бірлескен оқыту бағдарламаларын ұйымдастыруға ниет білдірді.
Қатысты сілтемелер
-
Қазақстан-Мажарстан саяси консультацияларының кезекті раунды өтеді6 Мамыр 2024, 17:10
-
Жаслан Мәдиев Қазақстанның цифрлық даму министрі болып тағайындалды6 Мамыр 2024, 16:42
-
Михаил Ломтадзе әлемдік деңгейдегі балалар футбол академиясын құрады6 Мамыр 2024, 16:25
-
Әзірбайжан мен Армения арасындағы келіссөз 10 мамырда Алматыда өтеді6 Мамыр 2024, 16:12