Ақтау. 13 мамыр. ҚазТАГ – Маңғыстау облысы «Каспий» тұщыландыру зауытын жаңғыртуға үкімет Т12 млрд бөлді, деп хабарлады премьер-министрдің баспасөз қызметінен.
«Сумен жабдықтау – аймақ үшін, әсіресе жазғы кезеңде, ең өзекті мәселелердің бірі. Жылдан жылға тұщытқыш қондырғылар қуатының жетіспеушілігі сезіледі. Осыған байланысты Үкімет зауыттың өнімділігін екі есе арттыру үшін оны жаңғыртуға 12 млрд теңгеден астам қаражат бөлді. Бұл мәселе Мемлекет басшысының бақылауына алынған. Барлық жұмысты сапалы әрі уақытында жүргізу қажет», - деді жұма күні премьер-министр Әлихан Смаилов өңірге сапары барысында.
Хабарда атап өтілгендей, «Каспий» зауыты өңір халқын сумен жабдықтайтын маңызды көздердің бірі болып табылды.
«Бүгінгі таңда зауытта кеңейту жобасы аясында құрылыс-монтаждау жұмыстары жүргізіліп жатыр, бұл тәулігіне судың өнімділігін 40 мың текше метрге дейін арттыруға мүмкіндік береді. Жұмыстарды осы жылдың соңына дейін аяқтау жоспарланып отыр», - делінген минкабинетінің хабарында.
Маңғыстау облысы «Каспий» тұщыландыру зауытын жаңғыртуға үкімет Т12 млрд бөлді
