Астана. 5 мамыр. ҚазТАГ – Қазақстан президенті Қасым-Жомарт Тоқаевтың Конституциялық кеңеске жасаған жаңа мәлімдемесі экс-президент Нұрсұлтан Назарбаевтың Конституциядағы рөліне қатысты болды, деп хабарлады әділет министрі Қанат Мусин.
«Бұл мәлімдемесінде президент Елбасы мәртебесі туралы норманы Конституциядан жалпы алып тастау туралы 91 бап 2 тармағының жаңа редакциясын ұсынды», - деді Мусин бейсенбі күні сенат кулуарында.
Аталмыш тармақтың мазмұны мынадай: «Конституцияда белгiленген мемлекеттiң тәуелсіздігі, Республиканың бiртұтастығы мен аумақтық тұтастығы, оны басқару нысаны, сондай-ақ тәуелсіз Қазақстанның Негізін салушы, Қазақстан Республикасының Тұңғыш Президенті – Елбасы іргесін қалаған Республика қызметінің түбегейлі принциптері және Қазақстан Республикасының Тұңғыш Президенті – Елбасының мәртебесі өзгермейді».
4 мамырда хабарланғандай, Қазақстан билігі Назарбаевты Конституцияда бекітуден бас тартқан. Бұл туралы «Республикалық референдум туралы» Конституциялық заңға енгізілген түзетулерді мәжіліс мақұлдап, ол сенатқа жолданғаннан кейін белгілі болды. Сол күні 4 мамырда белгілі болғандай, Тоқаев Конституциялық кеңеске жаңа мәлімдеме жолдады, оның мазмұны соңғы күнге дейін белгісіз болып келді. Нәтижесінде, 5 мамырда сенат Назарбаев туралы баптың өзгеруіне байланысты заң жобасын мәжіліске қайтарды. Кейін парламент кулуарында сенат спикері Мәулен Әшімбаев Конституцияда Назарбаевтың мәртебесін бекітуге қарсы болғандардың үлесін 95-99% деп бағалады.
Тоқаев Конституциядағы Назарбаев мәртебесі жөнінде Конституциялық кеңеске мәлімдеме жасады
