Қызылорда. 18 тамыз. ҚазТАГ – Қызылорда облысында жеңіл көлік жүргізушісі КамАЗ-ға соғылып қаза тапты, деп хабарлады ІІМ ресми интернет-ресурсы.
«17 тамыз күні "Самара-Шымкент" тас жолында Audi жүргізушісі КамАЗ тіркемесіне соғылған. Екі көлік те бір бағытта жүріп бара жатқан. Жол апаты салдарынан жеңіл автокөліктің жүргізушісі оқиға орнында көз жұмды»,- делінген хабарламада.
Бұл факті Қылмыстық кодекстің 345-бабы 3-тармағы (Абайсызда адам өліміне әкеп соққан, көлiк жүргізетін адамдардың жол қозғалысы ережелерін бұзуы) бойынша сотқа дейінгі тергеулердің бірыңғай реестріне тіркелді.
Сотқа дейінгі тергеу басталды. Сараптамалар тағайындалды.
Қызылорда облысында жеңіл көлік жүргізушісі КамАЗ-ға соғылып қаза тапты
