Шымкент. 11 мамыр. ҚазТАГ – Жеті жыл іздеуде жүрген шетелдік Шымкентте ұсталды, деп хабарлады ішкі істер министрлігінің баспасөз қызметінен.
«Түркістан облысы ПД экстремизмге қарсы іс-қимыл басқармасының қызметкерлері осындай кезекті профилактикалық іс-шаралар барысында 2016 жылдан бері есірткіге байланысты қылмыс жасағаны үшін халықаралық іздеуде жүрген Өзбекстан азаматын анықтады. Іздеуде жүрген ер адамды полицейлер Шымкент қаласынан ұстады», – делінген хабарда.
Тәртіп сақшылары күдіктіні Сарыағаш аудандық полиция бөлімінің уақытша ұстау изоляторына қамауға алды. Қазіргі уақытта полицейлер тарапынан аталған азаматты экстрадициялау бойынша жұмыстар жүргізіліп жатыр.
Жеті жыл іздеуде жүрген шетелдік Шымкентте ұсталды
