Шымкентте үш шетелдік көлік жүргізушісі жауапкершілікке тартылды

23

 

Әлеуметтік желілерде бақылау жүргізу барысында Шымкент қаласы ПД қызметкерлері мегаполис көшелерінің бірінде үш «Toyota Camry-70» автокөлігінің жүргізушілері жол қозғалысы ережелерін өрескел бұзып, олардың бірі мылтықтан ауаға оқ атқан бейнені анықтады.

Бұл жазбаға жергілікті полиция қызметкерлері мен жедел бөлімшелер қызығушылық танытты. Нәтижесінде барлық құқық бұзушылар анықталды. Олар жергілікті тұрғындар. Жүргізушілерге қатысты тәртіп сақшылары ҚР ӘҚБтК-нің үш бабы бойынша әкімшілік хаттама толтырды: 203-бап «сақтандыруды бұзу», 602-бап » көлік құралдары жүргізушілерінің сыртқы жарық аспаптары мен дыбыстық сигналдарды пайдалану, авариялық дабылды қолдану қағидаларын бұзуы» және 603-бап «көлік құралына арнайы жарық және дыбыстық сигналдарды беруге арналған құрылғыларды орнату қағидаларын бұзу». Үш «Toyota Camry-70» көлігі айып тұрағына қамалды. Жинақталған материалдар әкімшілік сотқа жіберілді.

Полицейлер жүргізушілердің бірінен ПМ тапаншасын тәркіледі. Сондай-ақ, ер адам бұрын дүкеннен тапанша сатып алғаны анықталды, бірақ ол полицияға тіркелмеген. Оған қатысты полицейлер қосымша бірнеше әкімшілік құқық бұзушылықтар бойынша, оның ішінде ҚР ӘҚБтК 436-бабы, 437-бабы «Тыныштықты бұзу” және 482- бабы «жеке және заңды тұлғалардың қаруды заңсыз сатып алуы, беруі,өткізуі, сақтауы, алып жүруі, тасымалдауы» бойынша іс жүргізді.

Шымкент полициясы жол қозғалысына қатысушылардың барлығын Жол қауіпсіздігі ережесін қатаң сақтауға және қоғамдық тәртіпті бұзбауға шақырады.