Қабдунассаров пен Сатаев Азия чемпионатының қола жүлдесіне таласады
Қазақстанның және әлемнің спорт жаңалықтарына жазылыңызҚырғызстан астанасы Бішкекте күрес түрлерінен Азия чемпионатының соңғы жарыс күні өтіп жатыр. Бүгін грек-рим күресінен бес салмақта жеңімпаздар анықталады, деп жазады Prosports.kz тілшісі Olympic.kz сайтына сілтеме жасап.
Грек-рим күресінен 60 келі салмақта белдескен Ғалым Қабдунассаров турнирдің жартылай финалында жапониялық Кайито Инабаға 4:8 есебімен жол берді.
72 келі салмақта сынға түскен Әділхан Сатаев финал жолдамасы үшін айқаста ирандық Мұхаммедриза Ростамиден 0:10 есебімен, мерзімінен бұрын жеңілді.
Аталған балуандар Бішкектегі Азия біріншілігінің қола жүлдесіне таласады.
Еске сала кетейік, грек-рим күресінен Қазақстан командасы қоржынында әзірге 1 алтын, 1 күміс, 1 қола медаль бар.
Кешегі жарыс күнінде Ержет Жарлықасын (63 келі) чемпион атанса, Нұрсұлтан Тұрсынов (87 келі) күміс, Ибрагим Магомадов (77 келі) қола жүлде жеңіп алды.