Асу Алмабаев: Елжан Әлиасқар UFC-мен келісімшарт жасасып, екінші Петр Ян атануы да мүмкін
Қазақстанның және әлемнің спорт жаңалықтарына жазылыңызҚазақстандық UFC файтері Асу Алмабаев командаласы Елжан Әлиасқардың Naiza 59 турниріндегі ирандық файтер Ислам Юсефке қарсы жекпе-жегі туралы пікірін білдірді, деп хабарлайды Prosports.kz.
«Naiza 59 турнирінде менің командаласым - Елжан Әлиасқар жұдырықтасады. Ол Naiza турнирлерінде тартысты жекпе-жектер көрсеткен мықты жауынгер. Егер де, қазір жақсы жекпе-жек өткізсе, ол Naiza лигасының белбеуі үшін күресуге лайық деп ойлаймын.
Бәлкім UFC мен де келісімшартқа отырып, екінші Петр Ян атануы да мүмкін, өйткені оның соққы техникасы өте жоғары деңгейде», - деді Асу.
Естеріңізге сала кетейік, Елжан Әлиасқар келесі жекпе-жегін Naiza 59 турнирінде ирандық файтер Ислам Юсефке қарсы өткізеді.