Қорғаныс технологиялары, ғарыштық технологиялар, борттық жүйелер, тікұшақтар көрсетілді
Стамбұл қаласында 25-28 шілде күндері 16-шы IDEF-2023 Халықаралық көрмесі өтті. IDEF-2023 жабдықтар мен қорғаудың әртүрлі салаларындағы озық технологиялармен танысу үшін бірегей мүмкіндік береді, деп хабарлайды Sarbaz.kz тілшісі.
Көрмеде түрік қорғаныс кешенінің соңғы үлгідегі құрлық әскерлеріне, әскери-теңіз күштері мен әуе күштеріне арналған жабдықтар, қорғаныс технологиялары, ғарыштық технологиялар, борттық жүйелер, тікұшақтар, кемелер, электронды жабдықтар, қауіпсіздік жүйелері, сондай-ақ, жабдықтар мен тасымалдау және логистикалық жүйелері бар негізгі профильдер ұсынылған.
Сондай-ақ көрмеде Судан, БАӘ, Ұлыбритания, Сербия, Украина және тағы басқа елдерден келген шетелдік өндірушілердің көптеген стендтерін көруге болады.
Сондай-ақ Түркия қару-жарақ жеткізетін елдер саны 170-ке дейін, ал экспортталатын өнімдер желісі 230 позицияға дейін өскен.
