Астана – ірі мегаполис. Үздіксіз дамып, өсіп-өркендеп келе жатқан қалада алдымен халық үшін қауіпсіз, қолайлы орта қалыптастыру – басты міндеттердің бірі. Астана Орталық Азияда Smart City кемел бағасын алған алғашқы қала. Ширек ғасырдан астам ғана уақыт аралығында алты құрлықта абыройы асқақтап, Сарыарқа төсінде, Есіл өзенін ен бойлай еңсесін тіктеген елорда ақыл-ой мен ерен еңбектің жемісі екені сөзсіз.