2025 жылдың 27 қарашасында Алматыдағы Халықаралық инженерлік-технологиялық университетінде өткен «Қазақстан жасанды интеллект дәуірінде: тарих, мәдениет, тіл және технологиялар диалогы» атты халықаралық форум әлемдік деңгейдегі ғылыми серіктестікті дамытуға бағытталған өзекті мәселелерді талқылауда маңызды алаңға айналды. Оған Қазақстан, Түркия, Өзбекстан және Пәкістан елдерінің жетекші ғалымдары қатысып, жасанды интеллекттің заманауи ғылымға, әлеуметтік қатынастарға және мәдени процестерге әсерін талдады.