Талдықорғандағы Бикен Римова атындағы драма театрға «академиялық театр» мәртебе берілді. Бұл - жарты ғасырлық тарихы бар өнер ұжымының ұлт руханиятына қосқан сүбелі үлесі мен еселі еңбегінің жемісі. Шетелдерде өнер көрсетіп, республикалық фестивальдерде үздіктер қатарынан көрінген шығармашылық топ тарихи туындыларды сахналаумен ерекшеленеді. Өнер арқылы жастардың бойына отаншылдық рухты сіңіріп, елдік мұратты дәріптеп келеді.