Ағын су жүйелерін жаңғырту жұмыстары қарқынды. Мәселен, Түркістан облысы Шардара ауданында 939 шақырымдық қашыртқы бар. Олардың дені 50 жылдан астам уақыт тазаланбаған екен. Алайда көктемнің жауынды ауа – райы бұл жұмыстарға кері әсерін тигізуде. Ағын су жүйелерін жаңғырту мақсатында өткен жылы бұл нысан жаңа техникамен қамтамасыз етілген. Жоба құны 1 млрд теңге. Ал мекеме қызметкерлері жауын суының көптігі қашыртқыларды тазалауға кері әсерін тигізгенін айтады. ЕРБОЛАТ АБИЛДАЕВ – «ТҰРАН СУ» МЕКЕМЕСІНІҢ ҚЫЗМЕТКЕРІ Техника түгел, жетеді. Жағдай жасалған жатақханада бәрі бар. 3 мезгіл тамағы бар. Тиімділігі бұл сор қашып жатыр бұдан. Диқандар мен шаруалар ризашылығын білдіріп жатыр. Артық суды Сырдарияға құямыз. Бұған дейін бұл бітеліп қалған толық. Қиындықтар боп қалады. Кейбір жерлер биік болады, кей жерлерде су бар. Содан тұрып қалады. Қардың кезінде тоқтаған жоқпыз, жаңбырдың кезінде тоқтап жатырмыз. Жауынның көп түсуінен жер лайланып техникалардың қозғалуы қиынға соққан. Ал егістік алқаптардағы жер асты сулары дұрыс шайылмай қалған. Салдарынан сор басып жарамсыз күйге түскен. Одан қала берді, қаншама мың гектар суармалы егістік қолданыстан шығып қалған. АХМЕТ ТҰРҒЫНБЕКОВ – КӨКСУ АУЫЛДЫҚ ОКРУГІ ӘКІМДІГІНІҢ БАС МАМАНЫ 370 шақырымның 220 шақырымы бітті, 58,2 пайызы. Маусым айында аяқтайды. Соңғы рет 1972 жылы тазаланған екен. Содан бері тазалау көрмеген. Толған еді, кәдімгі қамыстың тамырлары бар, су жүрмейтін. Толық тазаланса, жер асты су қашады. Одан кейін егіске үлкен пайдасын береді. Бізде Қазсушар мекемесі бар бізде. Солардың үлкен үш қашыртқысы бар. Нұрсұлтан Санаев ауа – райы жақсы болса, 1 шақырым су қашыртқысын тазалауға болады,-дейді. Өйткені жаңа техниканың мүмкіндігі мол. әулігіне 8 сағат жұмыс істеуге қауқарлы. НҰРСҰЛТАН САНАЕВ – ЭКСКАВАТОРШЫ Эксковаторды айдап жатырмын. Жерді қазып, сбростарды қазып. Тереңдігі 1,5 метр боп жатыр. Күніне 400-500 метр қазып жатырмын. Жаңбырлы күндерде қиындықтар бар. Лай болады. Техника жаңа, бұзыла бермейді. Жұмыс ауыр емес, айлықтың жобасы 400 мың ғой. Одан бөлек ауданда сулар құмға сіңбес үшін каналдарды күрделі жөндеуден өткізу, тік дренаждарды қайта құрылымдау жұмыстары жүргізілуде.