Кейінгі уақытта әлеуметтік желіде танымал болу үшін жастардың мұндай әрекеті жиілеп барады. Тіпті қылмыстық жауапкершілікке тартылса да олардың ерсі қылығына тосқауыл болмай тұр. Бұл күні кеше Абай даңғылы мен Алтынсарин көшесінің қиылысында болған жағдай. Қалада күн ысып кетті деген жігіт өрт сөндіру баллонын үстіне шашып, айналаны бір сәт тұманға бөктірді. Жастардың әдепсіз қылығы жаяу жүргіншілер мен көліктердің жүрісіне кедергі келтірген. Хайп қуғандар бірден анықталып, полиция бөлімшесіне жеткізілді. Олар әкімшілік қамауға алынды.