ХХ ғасырдың басында тарих сахнасына шыққан Алаш қозғалысы - ұлтымыздың мәдени-рухани даму жолының жаңа кезеңін қалыптастыра алды. Өзінің саяси жетекшілері, қозғаушы күші мен алдына қойған мақсаттары мен қамтыған аумағы жағынан тарихта орын алған қозғалыстардың ең маңыздысы, әрі жоғары деңгейде ұйымдасқаны еді. Алаш қозғалысының негізгі идеясы демократиялы қоғам қалыптастырып, сөзсіз еркіндік пен дамудың алғышарты ретінде қазақтың ұлттық мемлекетін құру болатын. Бүгінгі Тәуелсіз Қазақстан – сол идеяның негізі.