Көп ата-ана баласының «айтқанды тыңдамауына» шағымданады. «Мың рет айттым», «әдейі қасарысады», «құлағына сөз кірмейді» деген сөздер күнделікті өмірдің бір бөлігіне айналған. Бірақ психологтар бұл мәселені баланың «тәртіпсіздігімен» немесе «қырсықтығымен» ғана түсіндіруге болмайтынын айтады. Көбіне тыңдамаудың артында баланың ішкі күйі, дамуына тән ерекшеліктер мен ересектер жіберетін қателіктер жатады.