Журналист деген мамандық ұлт ұстазы Ахаңның (Байтұрсынов) тілімен айтқанда – халықтың көз-құлағы. Қазақ журналистикасының қалыптасуы – ХХ ғасырдың басы. Қазақтың алғашқы қалам қайраткерлері әуелі 1913 жылы тұңғыш саны жарық көрген «Қазақ» газетінің шаңырағы астында топтасып, ұлтшыл-ағартушылық бағытта қалам тербеді. Көп кешікпей заман өзгерді, патша құлап, большевиктер билікке (1917) келді. Қазақ журналистикасының алғашқы алтынұясы «Қазақ» газеті жабылды да, осы мектептен түлеп ұшқан қаламгерлер 1919 жылы Орынборда ашылған Кирревкомның үнпарағы «Ұшқын» газетіне топтасты. Алғаш 1930 жылдары басталған кеңестік қуғын-сүргін жылдары газеттің алғашқы редакторы Халел Есенбаевтан бастап, 1938 жылға дейін қызмет атқарған 18 редактордың 13-і атылыпты
Мәдениет
