Ахмет Байтұрсынұлы – ұлт ұстазы. Мемлекет қайраткері, ақын, көсемсөзші, ғалым, ағартушы – бұл Алаш ардақтысы Ахмет Байтұрсынұлының шығармашыл тұлғасына, еңбегіне қатысты айтылатын анықтауыштар. Ахмет Байтұрсынұлы – қазақтың бай тілі мен әдебиетінің теориялық заңдылықтарын осы заманғы үлгіге салып жүйелеп берген ғұлама ғалым. Ахаңның осы еңбегі болмаса, қазақ әдебиеті мен қазақ тілі ғылымдары қандай дәрежеде болатынын елестетудің өзі қиын.