1939 жылы басталған ІІ Дүниежүзілік соғыс адамзат қауымына үлкен ауыртпалық әкелді. Осынау нәубет жылдардың соқпағы туралы түрлі ақпарлар тарих беттерінде бүгінгі күнге дейін жазылып та, айтылып та келді. Сөйте тұра бұл соғыстың зерттелмеген қырлары әсте көп. Және, нацистік Германияның көздеген мүддесіне жету үшін жасаған зұлымдығы ұлтымыздың санасынан ешқашан ұмытылмақ емес. Ендеше бұл тұста біздің ең басты мақсатымыз – осы тарихи кезеңнің шынайы шындығын пайымдау.