Қазақтың ән өнерінде айырықша орны бар тұлғаның бірі – Әсет Найманбайұлы. Қазақ музыка өнерін зерттеуші, әйгілі композитор, дирижер, Қазақстанның халық әртісі, академик Ахмет Жұбанов 1963 жылы жарық көрген «Замана бұлбұлдары» атты монографиясында: «Әсет Қарқаралы уезі, Темірші болысы, 8-ауылда (қазіргі Қарағанды облысы, Ақтоғай ауданы, Қызыларай ауылы) туды. Алғашқы мекені Кертас тауы, Қаршығалы өзені болды. Руы – қаракесек, оның ішінде – майлық. Самегой деген қызының жоқтауына қарағанда және баласы Қожекенің сөздеріне сүйенгенде Әсеттің туған жылы 1867 болып шығады. Әсет жас кезінде әкесі Найманбай қытай елімен шекаралас Бақты – Көктұма (қазіргі Абай облысы Ұржар ауданы жері) маңына көшіп барады. Әкесі Әсетті Көктұмадағы Зейнұлла медіресесіне оқытады» деп жазыпты.
Мәдениет
