Алаш тарихын зерттеу ісіне үңілген сайын тағы бір маңызды шындық айқын көрінеді: алаштану ғылымының қалыптасуына әйел зерттеушілер де айрықша үлес қосты. Тарих ғылымында ұзақ уақыт бойы Алаш қозғалысын зерттеу оңай болған жоқ. Кеңес дәуірінде бұл тақырып жабық саналып, көптеген құжаттар құпия архивтерде сақталды. Тек тәуелсіздік жылдары ғана Алаш мұрасын ғылыми тұрғыдан қайта зерделеу мүмкіндігі туды. Осы кезеңде қазақ тарих ғылымында алаштанушы әйел ғалымдардың жаңа буыны қалыптасты.