Таскөмір – жылу мен энергияның көзі. Таскөмір туралы алғашқы мәліметтер б.з.б. ІV ғасырдағы грек ғалымы Аристотельдің еңбектерінде кездеседі екен. Таскөмір – бүкіл әлемдік сатылымда өзінің мөлшері бойынша алғашқы жиырмалыққа енетін шикізат. Оның қоры бойынша Қазақстан әлемде сегізінші орынға ие. Өзімізді көмірмен қамтамасыз етумен қатар әлемдік нарыққа шығаруға толық қуаттымыз. Қазақстанда көмір кенорындары аз емес. Солардың ішінде Қарағанды көмір алабының орны ерекше.