Ас беру – қазақтың өмірімен тұтасып кеткен дәстүр екені белгілі. Бүгін біз қазақ халқының ас беру дәстүрінің қашан басталғанын зерделеп көрмекпіз.Зерттеушілердің айтуынша, қазақта ас беріп, ат шаптыру дәстүрі сонау ежелгі заманнан бар бар. Бірақ жаппай дәстүр ретінде орта ғасырларда қалыптасқан. Белгілі зерттеуші Зейнолла Сәніктің еңбектерінде қазақ дәстүрінде әйгілі тұлғаларға ас беріп, ат шаптырудың даңқы зор болған, оның салтанаты бірінен-бірі асып отырғанын айтады.