Алматы қаласында 2011 жылы жарық көрген «Қазақтың этнографиялық категориялар, ұғымдар мен атаулардың дәстүрлі жүйесі» атты бес томдық энциклопедияның бірінші томының 643-бетінде ұлтымыздың құнды мұрасы домбыра туралы: «Домбыра – дәстүрлі ортаның көп ішекті, көп пернелі ұлттық саз аспабы. Ғасырлар бойы қазақтың мұңы мен шерін тарқатып, көңілін жеңісіне шарықтатып, жеңілісінде демеген, арманын асқақтатып, өрістеткен. Оның қос ішегінде бүкіл қазақтың арғы-бергі тарихы, салт-санасы мен танымы сақталған музыкалық аспабы» деген анықтама беріліпті. Бұдан асырып ештеме айта алмаймыз. Осы бір құнды мұрамызды насихаттау мақсатында 2018 жылы 13 маусымда әр жылдың шілде айының алғашқы аптасы «Ұлттық домбыра күні» болсын деген Президент жарлығы шыққанынан көпшілік хабардар.