Іле халық баспасынан 2009 жылы жарық көрген, Қаһарман Мұқашұлы мен Кәкеш Қайыржанұлы аударған «Чиң әулеті сарай жылнамаларындағы қазаққа қатысты деректер» атты кітап негізінде беріліп келе жатқан желілес мақаламызды жалғастырамыз. Бұл жолы 1755 жылғы 17 маусымға қатысты сарай жазбасына сүйеніп, Чиң империясының Жоңғарияны бағындыру сәтіндегі қазаққа қатысты ұстанымы қалай өзгергенін, Іле–Тарбағатай өңіріндегі ахуалдың неліктен жаңа саяси кезеңге өткенін талдап көрейік.